Իսպանիայի փոխչեմպիոն «Բարսելոնան», եթե Չեմպիոնների լիգայում հաղթահարեր խմբային փուլի արգելքը, կվաստակեր 9,6 միլիոն եվրո, հայտնում է Mundo Deportivo-ն:
Կատալոնացիները եվրոպական ակումբային ամենահեղինակավոր մրցաշարի ընթացիկ խաղարկությունում արդեն վաստակել են 67,18 միլիոն եվրո: Եթե խմբային փուլի վերջին տուրում հաղթեն Պլզենի «Վիկտորիային», այդ գումարին կավելանա ևս 2,7 միլիոն եվրո:
Մրցաշարում քառորդ եզրափակիչ դուրս գալու համար նախատեսված է 10,6 միլիոն եվրո:
Եվրոպա լիգայում հաղթելու դեպքում կատալոնական ակումբը կվաստակի 14,9 միլիոն եվրո:
Հիշեցնենք, որ անկախ վերջին տուրի արդյունքից, իսպանացի Չավիի գլխավորած թիմը կզբաղեցնի ՉԼ-ի C խմբի երրորդ տեղն ու ելույթները կշարունակի Եվրոպա լիգայում: Մյունխենի «Բավարիան» 15 միավորով խմբի հաղթողն է, Միլանի «Ինտերը» 10 միավորով ապահովել է երկրորդ հորիզոնականը, իսկ Պլզենի «Վիկտորիան» առանց միավորի վերջին՝ 4-րդ տեղում է:
