«Բարսելոնայի» եզրային հարձակվող Լամին Յամալը պատասխանել է Մադրիդի «Ռեալ» հնարավոր տեղափոխության մասին հարցին:
«Երբեք: Շանսեր չկան: Դա անհնար է»,- Mundo Deportivo-ի հետ զրույցում ասել է իսպանացին:
Յամալի ու կատալոնական ակումբի պայմանագիրը նախատեսված է մինչև 2026 թվականի հուլիսի 1-ը, սակայն կողմերն արդեն համաձայնեցրել են նոր պայմանագիր, որը կստորագրվի, երբ վինգերն ամռանը դառնա 18 տարեկան:
Transfermarkt-ը Լամին Յամալի տրանսֆերային արժեքը գնահատում է 180 միլիոն եվրո:
Ընթացիկ մրցաշրջանում Լամինը մասնակցել է 31 խաղի, որոնցում խփել է 11 գոլ, կատարել 15 ասիստ:
