Թուրինի «Յուվենտուսի» գլխավոր մարզիչ Մասիմիլիանո Ալեգրին հայտարարել է, որ թիմի սերբ հարձակվող Դուշան Վլախովիչը բաց կթողնի «Լացիոյի» դեմ Ա Սերիայի 15-րդ տուրի խաղը:
«Վլախովիչը հայտացուցակում չի լինի: Նա երեկ մարզվել է, սակայն դեռ պատրաստ չէ խաղալուն: Ֆուտբոլիստին հայտացուցակում ընդգրկելու համար պետք է վստահ լինել, որ նա կարող է օգնել թեկուզ պահեստայինների նստարանից, սակայն Դուշանն ի վիճակի չէ»,- Ալեգրիի խոսքը մեջբերում է Football Italia-ն:
22-ամյա հարձակվողն Ա Սերիայում «Յուվենտուսի» լավագույն ռմբարկուն է և խփել է 6 գոլ:
«Յուվենտուս» - «Լացիո» խաղը կկայանա նոյեմբերի 13-ին և կմեկնարկի Երևանի ժամանակով 23:45-ին:
