Իտալացի Կառլո Անչելոտին ներկայացրել է Բրազիլիայի ազգային հավաքականի հայտացուցակը Չիլիի և Բոլիվիայի հավաքականների դեմ սեպտեմբերին կայանալիք աշխարհի 2026 թվականի առաջնության հարավամերիկյան ընտրական գոտու վերջին երկու խաղերի համար:
Աշխարհի 5-ակի չեմպիոնների գլխավոր մարզիչը հավաքական չի հրավիրել Մադրիդի «Ռեալի» եզրային հարձակվողներ Վինիսիուս Ժունիորին և Ռոդրիգո Գոեսին, անգլիական «Մանչեսթեր Սիթիի» դարպասապահ Էդերսոնին: Կրկին չի հրավիրվել «Սանթոսի» հարձակվող Նեյմարը, որը վնասվածք ունի: Բրազիլացիների պատմության մեջ գլխավոր ռմբարկուն մոտ երկու տարի հավաքական չի հրավիրվել:
Բրազիլիայի ազգային հավաքականի հայտացուցակը
Դարպասապահներ. Ալիսոն («Լիվերպուլ»), Բենտո («Ալ Նասր»), Ուգո Սոուզա («Կորինտիանս»):
Պաշտպաններ. Ալեքսանդրո Ռիբեյրո («Լիլ»), Ալեքս Սանդրո («Ֆլամենգո»), Կայո Էնրիկե («Մոնակո»), Դուգլաս Սանտոս («Զենիթ»), Ֆաբրիսիո Բրունո («Կրուզեյրո»), Գաբրիել Մագալյաես («Արսենալ»), Մարկինյոս (ՊՍԺ), Վանդերսոն («Մոնակո»), Ուեսլի («Ռոմա»):
Կիսապաշտպաններ. Անդրե Սանտոս («Չելսի»), Բրունո Գիմարայնս («Նյուքասլ»), Կազեմիրո («Մանչեսթեր Յունայթեդ»), Ժոելինտոն («Նյուքասլ») և Լուկաս Պակետա («Վեսթ Հեմ»)։
Հարձակվողներ. Էստևան («Չելսի»), Գաբրիել Մարտինելի («Արսենալ»), Ժոաո Պեդրո («Չելսի»), Կայո Ժորժե («Կրուզեյրո»), Լուիս Էնրիկե («Զենիթ»), Մաթեուս Կունյա («Մանչեսթեր Յունայթեդ»), Ռաֆինյա («Բարսելոնա»), Ռիշառլիսոն («Տոտենհեմ»):
