Մադրիդի «Ռեալի» բրազիլացի վինգեր Վինիսիուս Ժունիորն ու ֆրանսիացի կիսապաշտպան Էդուարդո Կամավինգան ամբողջությամբ ապաքինվել են վնասվածքից, հաղորդում է Relevo-ն։ 

Աղբյուրի փոխանցմամբ՝ նրանք պատրաստ կլինեն հունվարի 3-ին կայանալիք «Մալյորկայի» դեմ խաղին։ Ֆուտբոլիստների կատարած հավելյալ ֆիզիկական աշխատանքը նպաստել է նրանց ապաքինման ժամկետների կրճատմանը։ 

«Ռեալը» Լա լիգայի առաջատարն է, Չեմպիոնների լիգայում էլ խմբում զբաղեցրել է առաջին տեղն ու 1/8 եզրափակիչում հանդիպելու է «Լայպցիգին»։