Մադրիդի «Ռեալի» հարձակվող Վինիսիուս Ժունիորը խոսել է 2022 թվականին «Ոսկե գնդակը» նվաճելու շանսերից։
«Դրա համար ես պետք է քրտնաջան աշխատեմ։ Պետք է շարունակեմ հանդես գալ «Ռեալի» կազմում, ցուցադրեմ լավ խաղ ու մշտապես ներդնեմ առավելագույն ջանքերը։
Եթե ես շարունակեմ խաղալ այնպես, ինչպես հիմա, իհարկե, կարող եմ նվաճել «Ոսկե գնդակը», բայց ամենակարևորը թիմային տիտղոսներն են։ «Ռեալի» հետ ցանկանում եմ բազմաթիվ տիտղոսներ նվաճել»,- ասել է Վինիսիուսը։
Այս մրցաշրջանում 21-ամյա ֆուտբոլիստը «Ռեալի» կազմում անցկացրած 22 խաղում դարձել է 12 գոլի ու 5 գոլային փոխանցման հեղինակ։
