Իսպանական «Վիլյառեալը» հայտարարել է նոր գլխավոր մարզիչ նշանակելու մասին: Ակումբը և Խոսե Ռոխո Մարտինը ստորագրել են պայմանագիր, որի ժամկետը նախատեսված է մինչև 2023-24 մրցաշրջանի ավարտը:
«Պաչետա» մականունով հայտնի իսպանացին նախորդ մրցաշրջանում գլխավորում էր «Վալյադոլիդը»: Նրա մարզչական կարիերայի գլխավոր նվաճումներն են «էլչեի» և «Վալյադոլիդի» հետ Լա լիգայի ուղեգիր նվաճելը:
Ավելի վաղ «Դեղին սուզանավը» պաշտոնանկ էր արել Կիկե Սետյենին, որի գլխավորությամբ թիմն Իսպանիայի ընթացիկ առաջնության մեկնարկային 4 տուրում 3 պարտություն է կրել:
