Թուրքական «Գալաթասարայի» հարձակվող Վիկտոր Օսիմհենը տհաճ պատմության մեջ է հայտնվել:
26-ամյա ֆուտբոլիստը գիշերային ակումբից դուրս գալիս նկատել է իրեն նկարահանող լրագրողին և հարվածել է նրան:
«Մենք 3 գործընկերներով նկատեցինք, թե ինչպես է Օսիմհենը դուրս գալիս գիշերային ակումբից և նկարեցինք: Նա հարձակվեց մեզ վրա և փորձեց խլել տեսախցիկը, սակայն մենք դիմադրեցինք: Վիկտորը հարվածեց գլխիս, իսկ հետո սկսեց անվայել արտահայտություններ անել: Հասկանալով, որ մենք չենք զիջելու, նա գումար առաջարկեց և խնդրեց ջնջել նկարները, իսկ մերժում ստանալուց հետո սպառնաց, որ կոչնչացնի մեզ»,- լրագրող Տոլգու Բոզդումանի խոսքը մեջբերում է Posta-ն:
Հիշեցնենք, որ նիգերիացի ռմբարկուն նման պատմության մեջ էր հայտնվել նաև Նեապոլում:
Օսիմհենը «Նապոլիից» վարձավճարով թուրքական ակումբ է տեղափոխվել ամռանը:
