ՀՖՖ շտաբ-բնակարանում հուլիսի 14-ին կայացել է VBET Հայաստանի գավաթի 2022/2023 խաղարկության 1/8 եզրափակիչի վիճակահանությունը, տեղեկացնում է ՀՖՖ մամուլի ծառայությունը:

Վիճակահանության արդյունքում ձևավորվել են հետևյալ զույգերը․

• «Միկա» - «Գանձասար»
• «Վեստ-Արմենիա» - «Ալաշկերտ»
• «Սյունիք» - «Շիրակ»
• «Արարատ» - «Արարատ-Արմենիա»
• ԲԿՄԱ - «Նոա»
• «Լեռնային Արցախ» - «Վան»

Առաջինը նշված թիմերը հանդիպումները կանցկացնեն սեփական խաղադաշտում։  Դիմակայության հաղթողները կորոշվեն մեկ խաղով։

Հայաստանի գավաթի խաղարկությունը կմեկնարկի հոկտեմբերին: 1/8 եզրափակչի հանդիպումները կկայանան հոկտեմբերի 4-ին, 5-ին և 6-ին։

VBET Հայաստանի Պրեմիեր լիգայի մի քանի թիմեր պայքարը կսկսեն հաջորդ փուլից։

Հիշեցնենք, որ նախորդ մրցաշրջանում Հայաստանի գավաթակիր էր դարձել «Նորավանքը», որը դադարեցրել է ելույթները։