«Արարատ Արմենիայի» գլխավոր մարզիչ Վարդան Մինասյանը հաջողություն է մաղթել Հայաստանի հավաքականի նախկին կիսապաշտպան Արաս Օզբիլիսին ՀՖՖ նախագահի ընտրություններում։
«Գիտեմ քո մարդ տեսակը, ծանոթ եմ քո ֆուտբոլային մտքերին և ծրագրերին։ Կարևոր է նաև, որ դու անցել ես եվրոպական ֆուտբոլային դպրոցը, գիտես ժամանակակից ֆուտբոլի տենդենցները։ Հաջողություն եմ մաղթում քեզ, Արաս»,- ինստագրամյան էջում գրել է Վարդան Մինասյանը։
Հիշեցնենք, որ Արաս Օզբիլիսը Վարդան Մինասյանի գլխավորությամբ խաղացել է Հայաստանի հավաքականում։ ՀՖՖ նախագահի ընտրությունը կկայանա դեկտեմբերի 23-ին։ Առաջադրվել է երկու թեկնածու՝ Արաս Օզբիլիսը և ՀՖՖ գործող նախագահ Արմեն Մելիքբեկյանը։
