Ֆուտբոլի Հայաստանի ազգային հավաքականի ավագ Վարազդատ Հարոյանը չինական «Ցինդաո Վեսթ Քոսթի» կազմում վնասվածք է ստացել և հարկադրված փոխարինվել:
«Ցինդաո Հայնյուի» դեմ Չինաստանի Սուպերլիգայի երրորդ տուրի տնային հանդիպման (1-0) 56-րդ րոպեին 31-ամյա պաշտպանն օդային պայքարից հետո անհաջող ընկել է խոտածածկին և վնասվածք ստացել: Վնասվածքի լրջության աստիճանը դեռևս հայտնի չէ։
Հիշեցնենք, որ Հարոյանը փետրվարի 4-ին է ազատ գործակալի կարգավիճակում տեղափոխվել չինական թիմ, որի կազմում մասնակցել է երեք հանդիպման:
