Fastex Հայաստանի Պրեմիեր լիգայի 9-րդ տուրի վերջին խաղը գոլառատ ստացվեց ու ավարտվեց մարտական ոչ-ոքիով։ Չարենցավանի «Վանը» «Քաղաքային» մարզադաշտում ընդունեց Երևանի «Նոային»: Գրանցվեց 2-2 հաշիվը:
Խաղի հաշիվը 42-րդ րոպեին բացեց «Նոայի» հարձակվող Լևոն Վարդանյանը: 77-րդ րոպեին հավասարակշռությունը վերականգնեց «Վանի» ուկրաինացի հարձակվող Արտյոմ Բիլին, իսկ 88-րդ րոպեին տանտերը նաև առաջ անցան հաշվի մեջ 24-ամյա կիսապաշտպան Էդգար Մովսեսյանի գոլի շնորհիվ: Ավելացված ժամանակի երկրորդ րոպեին հյուրերին պարտությունից փրկեց գանացի կիսապաշտպան Իսրայել Օպոկուն:
9 խաղից հետո «Վանը» 13 միավորով 5-րդն է։ «Նոան» դեռ հաղթանակ չի տարել Ռոբերտ Արզումանյանի գլխավորությամբ և 3 միավորով վերջին՝ 10-րդ տեղում է:
Fastex Հայաստանի Պրեմիեր լիգա, 9-րդ տուր
«Վան» - «Նոա»՝ 2-2
Արտյոմ Բիլի, 77, Էդգար Մովսեսյան, 88 - Լևոն Վարդանյան, 42, Իսրայել Օպոկու, 90+2
