Անգլիական «Լեսթերի» նոր գլխավոր մարզիչ կարող է նշանակվել հոլանդացի մասնագետ Ռուդ վան Նիստելռոյը, հայտնում է լրագրող Սաշա Տավոլյերին։
Ակումբի գլխավոր մարզիչ Էնցո Մարեսկան շուտով տեղափոխվելու է Լոնդոնի «Չելսի»։ Իտալացի մասնագետին փոխարինելու թեկնածուներից մեկն էլ 47-ամյա Վան Նիստելռոյն է։
Նիդերլանդների հավաքականի նախկին ֆուտբոլիստը նախորդ տարվա մայիսից գործազուրկ է։ Նրա վերջին աշխատավայրը եղել է Էյնդհովենի ՊՍՎ-ն, որտեղից հեռացել է սեփական նախաձեռնությամբ։ ՊՍՎ-ն մարզչի գլխավորությամբ դարձել է Նիդերլանդների գավաթակիր ու սուպերգավաթակիր։
Հիշեցնենք, որ «Լեսթերը» հաղթել էր Անգլիայի Չեմպիոնշիփում և հաջորդ մրցաշրջանում խաղալու է Պրեմիեր լիգայում։
