Վիրջիլ վան Դեյկը կշարունակի ապագայում պաշտպանել «Լիվերպուլի» գույները:
Մերսիսայդյան ակումբն իր պաշտոնական կայքում հայտարարել է, որ երկարաձգել է հոլանդացի պաշտպանի հետ պայմանագիրը մինչև 2025 թվականը. ««Այստեղ ես ինձ տանն եմ զգում: Ակումբում, թիմում կարևոր ֆուտբոլիստ եմ և դա ֆանտաստիկ զգացում է: Վնասվածքից ապաքինումս լավ է ընթանում: Նախորդ տարին ինձ համար անհաջող ստացվեց, բայց առաջիկայում կրկին վայելելու եմ իմ խաղը «Լիվերպուլի» մարզաշապիկով», – ասել է հոլանդացին:
Վան Դեյկը «Լիվերպուլ» է տեղափոխվել 2018-ի հունվարին և «կարմիրների» հետ դարձել է Չեմպիոնների լիգայի հաղթող ու Անգլիայի չեմպիոն:
