Վահե Գևորգյանը նշանակվել է Չարենցավանի «Վանի» գլխավոր մարզիչ, հաղորդում է ակումբի մամուլի ծառայությունը։

«Բարի գալուստ պարոն Գևորգյան։ Այ էս ա տրանսֆերային բումը»,- նշված է «Վանի» հայտարարության մեջ։

Օրեր առաջ Վահե Գևորգյանը հեռացել էր «Ալաշկերտի» գլխավոր մարզիչի պաշտոնից ,որը զբաղեցնում էր 2022 թվականի դեկտեմբերից։ Նրա գլխավորությամբ երևանյան ակումբն անցկացրել էր 57 հանդիպում, տարել 24 հաղթանակ, կրել 24 պարտություն ու գրանցել 9 ոչ-ոքի։

Մարզչական կարիերայի ընթացքում 36-ամյա մասնագետն աշխատել է «Փյունիկի» և «Ուրարտուի» համակարգում, Երևանի «Լոկոմոտիվում», Վանաձորի «Լոռիում», ռուսական «Վիստայում» ու Վայքի «Նորավանքում»։ 2022/2023 մրցաշրջանում «Նորավանքը» նրա գլխավորությամբ դարձել էր Հայաստանի գավաթակիր։