Վահե Աղասյանը 5 հաղթանակ է տարել և դարձել Քիշնևում ընթացող ձյուդոյի մինչև 23 տարեկանների Եվրոպայի առաջնության հաղթող:
Մինչև 60 կգ քաշային կարգի եզրափակիչում Հայաստանի ներկայացուցիչը հաղթել է վրացի Մաթե Գոգոբերիշվիլիին։
Աղասյանը հայկական ձյուդոյի պատմության մեջ երկրորդ ոսկե մեդալակիրն է մինչև 23 տարեկանների Եվրոպայի առաջնություններում: Հայաստանի պատմության մեջ առաջին ոսկին նվաճել էր Արմեն Նազարյանը 2003 թվականին:
Ընդհանուր առմամբ` մարզաձևի բոլոր տարիքային խմբերում, 6 տարվա ընթացքում սա առաջին ոսկե մեդալն է Հայաստանի համար: 2019 թվականին մեծահասակների Եվրոպայի առաջնությունում չեմպիոն էր դարձել Ֆերդինանդ Կարապետյանը:
