Աշխարհի առաջին ռակետ Կառլոս Ալկարասը դուրս է եկել թենիսի «Մեծ սաղավարտի» տարվա վերջին՝ չորրորդ մրցաշար ԱՄՆ-ի բաց առաջնության երկրորդ շրջան։

Մեկնարկային մրցախաղում իսպանացի թենիսիստը մրցել է գերմանացի Դոմինիկ Կյոպֆերի հետ, որը երկրորդ սեթի ժամանակ վնասվածքի պատճառով հրաժարվել է պայքարից։ Առաջին սեթում 20-ամյա Ալկարասը հաղթել է 6-2 հաշվով, իսկ երկրորդում հաշվի մեջ առջևում էր 3-2 հաշվով, երբ հանդիպումը դադարեցվեց։

Երկրորդ շրջանում US Open-ի գործող հաղթողը կմրցի հարավաֆրիկացի Լլոյդ Հարիսի հետ։