ԱՄՆ-ի Սիեթլ քաղաքում կայացած UFC Fight Night մրցաշարում հայ մարտիկ Մելսիկ Բաղդասարյանն առաջին ռաունդում նոկաուտով պարտվել է բրազիլացի Ջին Սիլվային։

Բաղդասարյանն օկտագոն է վերադարձել 1,5 տարի անց։ Նա նախորդ մենամարտն անցկացրել էր 2023թ. հուլիսի 15-ին՝ հաղթելով Թաքեր Լուցին։ Կիսաթեթև քաշային կարգում հանդես եկող մարտիկը կրել է կարիերայի երրորդ պարտությունը, ունի նաև 8 հաղթանակ։

28-ամյա Սիլվան տարել է 15-րդ հաղթանակը։ Նա նաև երկու պարտություն է կրել։