ԱՄՆ-ը ներկայացնող հայ մարտիկ Էդմեն Շահբազյանն օկտագոն վերադարձը նշել է տպավորիչ հաղթանակով:

UFC Fight Night 251-ի շրջանակում Շահբազյանը միջին քաշային կարգում մենամարտել է Դիլան Բուդկայի դեմ և առաջին ռաունդում հաղթանակի հասել:

27-ամյա հայ մարտիկը նախորդ անգամ օկտագոն էր դուրս եկել 2024 թվականի օգոստոսի 25-ին և պարտվել Ջերալդ Միրշերտին:

Ընդհանուր առմամբ` Շահբազյանն անցկացրել է 19 մենամարտ, ունի 14 հաղթանակ և 5 պարտություն: