UFC-ի մարտիկ Արման Ծառուկյանը հաջորդ մենամարտը կանցկացնի բրազիլացի Չարլս Օլիվեյրայի հետ։ Այդ մասին սոցցանցերում հայտնել է UFC-ի նախագահ Դանա Ուայթը։

Մենամարտը կանցկացվի ապրիլի 14-ին կայանալիք UFC 300 մրցաշարում։ Հաղթողը 2024թ․ ամռանը կմենամարտի UFC-ի թեթև քաշային կարգի չեմպիոն Իսլամ Մախաչևի հետ։

Արման Ծառուկյանը նախորդ մենամարտն անցկացրել էր դեկտեմբերի 3-ին՝ մեկ րոպեում նոկաուտի ենթարկելով ամերիկացի Բենեիլ Դարիուշին։

Հայ մարտիկը 4-րդն է UFC-ի թեթև քաշային կարգի դասակարգման աղյուսակում։ ММА-ում անցկացրած 24 մենամարտում Ծառուկյանը տարել է 21 հաղթանակ ու կրել 3 պարտություն։