Անգլիական Պրեմիեր լիգայի 6-րդ տուրում «Տոտենհեմը» մրցակցի դաշտում 3-0 հաշվով վստահ հաղթանակի հասավ «Մանչեսթեր Յունայթեդի» նկատմամբ։

Լոնդոնյան ակումբից աչքի ընկան անգլիացիներ, վինգեր Բրենան Ջոնսոնը, հարձակվող Դոմինիկ Սոլանկեն ու շվեդ կիսապաշտպան Դեյան Կուլուշևսկին։

«Մանչեսթեր Յունայթեդը» 42-րդ րոպեից խաղում էր 10 ֆուտբոլիստով. կոպիտ խաղի համար դաշտից հեռացվեց թիմի ավագ, պորտուգալացի կիսապաշտպան Բրունու Ֆերնանդեշը։

Անգե Պոստեկոգլուի գլխավորած թիմը միավորների քանակը հասցրեց 10-ի և բարձրացավ 8-րդ տեղ, մանկունյական ակումբը 7 միավորով 12-րդն է։

Անգլիայի Պրեմիեր լիգա, 6-րդ տուր

«Մանչեսթեր Յունայթեդ» - «Տոտենհեմ»` 0-3

Բրենան Ջոնսոն, 3, Դեյան Կուլուշևսկի, 47, Դոմինիկ Սոլանկե, 77

Հեռացում` Բրունու Ֆերնանդեշ, 42 («Մանչեսթեր Յունայթեդ»)