Լոնդոնի «Տոտենհեմի» վինգեր Մանոր Սոլոմոնը մինչև մրցաշրջանի ավարտը վարձավճարով հանդես կգա իտալական «Ֆիորենտինայում», հաղորդում է ակումբի մամուլի ծառայությունը:
Մրցաշրջանի ավարտից հետո «Ֆիորենտինան» 10 միլիոն եվրոյով Սոլոմոնի տրանսֆերային իրավունքը ձեռք բերելու հնարավորություն կստանա:
Հիշեցնենք, որ մրցաշրջանի մեկնարկից առաջ 26-ամյա իսրայելցին վարձավճարով միացել էր «Վիլյառեալին»: Իսպանական ակումբն օրեր առաջ վաղաժամ խզել էր պայմանագիրը: Սոլոմոնը «Վիլյառեալի» կազմում խաղադաշտում անցկացրել էր 358 րոպե, խփել 1 գոլ և կատարել 4 ասիստ:
