Հայաստանի ազգային հավաքականի և «Ռոստովի» կիսապաշտպան Խորեն Բայրամյանը մեկնաբանել է Մոսկվայի ԲԿՄԱ-ի դեմ ՌՊԼ-ի 9-րդ տուրի խաղում նպաստավոր դիրքից իր վրիպումը:
14-րդ րոպեին Բայրամյանը մեն-մենակ է դուրս եկել դարպասապահի հետ, շրջանցել է Իգոր Ակինֆեևին, սակայն չի կարողացել գրավել անպաշտպան դարպասը:
«Չգիտեմ, անբացատրելի է: Դժվար է ինչ-որ բան ասել: Տվե՛ք ինձ ևս 50 նման պահ, ու ես բոլորը գոլ կխփեմ: Ինչ արած, այդպես էլ է լինում. ի՞նչ կարող եմ անել: Կաշխատեմ, որ նման բան այլևս տեղի չունենա»,- Матч ТВ-ի հաղորդմամբ՝ ասել է Խորեն Բայրամյանը:
Հիշեցնենք, որ «Ռոստով» - ԲԿՄԱ խաղն ավարտվել էր 3-3 հաշվով:
