UFC-ի թեթև քաշային կարգի դասակարգման աղյուսակի առաջատար Արման Ծառուկյանը խոսել է գործող չեմպիոն Իսլամ Մախաչևի դեմ 2019 թվականին կայացած մենամարտի մասին:
«Ես մենամարտել եմ շատ ավելի ուժեղ մարտիկների դեմ, քան Մախաչևն է։ Իմ տեխնիկական զինանոցը դեռ թույլ էր այդ ժամանակ։
Երկրորդ ռաունդում ինձ բավականին լավ էի զգում, միայն երրորդում էի զիջել: Չեմ հասկանում, թե ինչու էին առավելությունը նրան տվել առաջին և երկրորդ ռաունդներում։ Իհարկե, նեղսրտեցի։ Հաղթողը ես էի, ամոթ էր»,- ասել է 28-ամյա Ծառուկյանը Sport24-ի թղթակցին:
Հիշեցնենք, որ 2019 թվականին Ծառուկյանը UFC-ում նորամուտը նշել էր Մախաչևի դեմ մենամարտով և դիտարժան պայքարում պարտվել միավորներով:
Հաջորդ տարի սպասվում է հայ և դաղստանցի մարտիկների ռևանշ մենամարտը, որը կլինի տիտղոսային:
