Logo

Ծառուկյանը` Չիմաևի դեմ մենամարտելու մասին

22:10 / 06.12.2024Խառը մենամարտեր
null

UFC-ի թեթև քաշային կարգի դասակարգման առաջատար Արման Ծառուկյանը խոսել է Hype Reality 3 ռեալիթի շոուի ժամանակ միջին քաշային կարգում հանդես եկող Խամզաթ Չիմաևի դեմ մենամարտելու մասին:

«Սովոր եմ պայքարել իմ քաշային կարգի մարտիկների դեմ, ավելի ծանր քաշայինները վտանգավոր են: Բայց Խամզաթին վաղուց եմ ճանաչում։ Ես գիտեի, որ նրա դեմ մենամարտելիս վնասվածք չի լինի։ Դրա համար ես հիմա աշխատում եմ նրա հետ»,- ասել է 28-ամյա հայ մարտիկը Hype FC-ի մամուլի ծառայությանը:

Ծառուկյանը ցուցադրական մենամարտում պարտվել էր չեչեն մարտիկին:

Հիշեցնենք, որ 2025 թվականի հունվարի 18-ին Լոս Անջելեսում Ծառուկյանը թեթև քաշային կարգի գոտու համար մենամարտում կհանդիպի գործող չեմպիոն, ռուսաստանցի Իսլամ Մախաչևին:

2019 թվականին Ծառուկյանը UFC-ում նորամուտը նշել էր Մախաչևի դեմ մենամարտով և դիտարժան պայքարում պարտվել միավորներով:

Արման Ծառուկյանն օկտագոնում անցկացրել է 25 մենամարտ, ունի 22 հաղթանակ և երեք պարտություն: Մախաչևը 27 մենամարտում տարել է 26 հաղթանակ և պարտվել մեկ դիմակայությունում:

Մեզ կարող եք հետևել նաև Telegram-ում
fastnews-ads-banner

Հարցում

Աղյուսակներ

Հայաստան, Պրեմիեր Լիգա