UFC-ի թեթև քաշային կարգի դասակարգման աղյուսակի երկրորդ համար Արման Ծառուկյանն Ասլանբեկ Բադիևին տված հարցազրույցի ժամանակ ընտրություն է կատարել Իսլամ Մախաչևի ու Խաբիբ Նուրմագոմեդովի միջև:
«Կարծում եմ` Մախաչևը թեթև քաշային կարգի պատմության մեջ լավագույն մարտիկն է։ Նա ինձ համար լավագույնն է 70 կգ քաշային կարգում։
Իսլամը գերազանցել է Խաբիբի հաջողությունները։ Նրա հաղթական շարքը շատ լավն էր և մենամարտերն էլ ավելի շատ են։
Այո՛, Խաբիբը հաղթական մենամարտ է անցկացրել Քոնոր Մաքգրեգորի հետ, բայց Մախաչևի որակներն ավելի բազմազան են։ Նա ժամանակակից մարտիկ է, որն ամեն ինչ կարողանում է։
Խաբիբի նվիրվածությունն ու պայքարը կատարյալ էին: Ոչ ոք այդպես էլ չկարողացավ դրանք կրկնել»,- ասել է Ծառուկյանը։
Մախաչևն ու Նուրմագոմեդովը թեթև քաշային կարգի նախկին չեմպիոններ են։
Մախաչևն այժմ տեղափոխվել է կիսամիջին քաշային կարգ, որտեղ նոյեմբերի 16-ին չեմպիոնական մենամարտ կանցկացնի Ջեք Դելա Մադալենայի հետ։
UFC-ի մրցաշարերը ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր մենամարտերը հեռարձակվում են Fast TV հավելվածում (iOS, Android):
Կարդացեք նաև`
