Ռուսական «Նիժնի Նովգորոդի» հայ կիսապաշտպան Վալերի Ծառուկյանը խոսել է միջազգային կարիերա սկսելու ցանկության մասին:
«Շատ եմ ցանկանում նորամուտս նշել հավաքականի մակարդակում: Իհարկե, ես հայ եմ և շատ եմ ցանկանում խաղալ ազգային թիմում, բայց Ռուսաստանը նույնպես իմ երկիրն է: Տեսնենք, թե որ հավաքականից առաջարկ կստանամ: Հաճելի կլինի, եթե Կարպինը հրավիրի ինձ, առավել ևս, եթե Ռուսաստանի հավաքականը վերադառնա միջազգային ասպարեզ»,- 22-ամյա ֆուտբոլիստի խոսքը մեջբերում է «Чемпионат»-ը:
Հիշեցնենք, որ Ծառուկյանն ընթացիկ մրցաշրջանում «Նիժնի Նովգորոդի» կազմում անցկացրել է 17 հանդիպում, դարձել է 4 գոլի և 1 ասիստի հեղինակ:
