Մոլդովայի մայրաքաղաք Քիշնևում մեկնարկած ծանրամարտի Եվրոպայի առաջնության մրցումային երկրորդ օրը մրցահարթակ դուրս կգա Հայաստանի երեք ներկայացուցիչ։
Առաջինը պայքարում կլինեն Եվրոպայի չեմպիոն, աշխարհի առաջնության բրոնզե մեդալակիր Ալեքսանդրա Գրիգորյանը և Իզաբելա Յայլյանը, որոնք հանդես կգան 55 կգ քաշային կարգում։ A խմբի մասնակիցների մրցելույթի մեկնարկը` Երևանի ժամանակով 17:00-ին։
20:00-ից սկսած` պայքարը կսկսեն 61 կգ քաշային կարգի տղամարդիկ. Հայաստանը կներկայացնի Գառնիկ Չոլակյանը։
Հիշեցնենք, որ Հայաստանի հավաքականը մրցաշարին մասնակցում է 20 ծանրորդով` 10 տղամարդ, 10 կին։
Ծանրամարտի ԵԱ. Հայաստանի ներկայացուցիչների մրցելույթների ժամանակացույցը
