Մոլդովայի մայրաքաղաք Քիշնևում շարունակվող ծանրամարտի Եվրոպայի առաջնության 73 կգ քաշային կարգում Հայաստանի ներկայացուցիչ Գոռ Սահակյանը հրում վարժությունում 186 կգ արդյունքով նվաճեց փոքր բրոնզե մեդալ:
Այսպիսով՝ երկամարտում Եվրոպայի կրկնակի չեմպիոն Սահակյանը գրանցեց 339 կգ (153+186) արդյունք, ինչի շնորհիվ զբաղեցրեց 2-րդ տեղն ու նվաճեց արծաթե մեդալ: Եվրոպայի չեմպիոն հռչակվեց Թուրքիայի ներկայացուցիչ Յուսուֆ Ֆեհմին՝ երկամարտում գրանցելով 348 կգ արդյունք:
