2014 թվականի վերջին 3 վրացուհիներ՝ Աննա Ճինճարաուլին, Թաթիա Մգելաձեն և Շորենա Ցիսկարաուլին կարողացան իրենց վիդեոսելֆիի շնորհիվ միլիոնավոր դիտումներ հավաքել և գրավել շատերի սրտերը: Աղջիկները կատարում են վրացական ազգային երգեր: Ինպես իրենք են ասում՝ ամեն ինչ շատ անսպասելի է եղել: Սովորական երաժշտական հոլովակը, որը նրանք նկարել և տեղադրել էին Youtube-ում սիրողական տարբերակով, 2 շաբաթվա ընթացքում այնքան դիտումներ է գրանցել, որ նրանց համարձակություն է տվել շարունակելու նույն ոճով: Որոշ ժամանակ անց նրանցով է հետաքրքրվում նաև վրացական մամուլն ու հեռուստատեսությունը, աղջիկներին սկսում են հրավիրել տարբեր հաղորդումների և հարցազրույցների:
Այս ոլորտում ավելի մեծ հաջողություններ ունենելու համար, աղջիկները պաշտոնապես իրենց հայտարարում են երաժշտական խումբ և ընտրում «Մանդիլի» անվանումը:
Աղջիկները մասնագիտական, երաժշտական կրթություն չունեն: Նրանք պատմում են, որ երգելու հմտություններն ինքնուրույն են զարգացրել: Անգամ պանդուրայի վրա նվագելը իրենց ջանքերի արդյունքն է:
Մայիսի 11-ից «Տրիո Մանդիլին» համերգային ծրագրով ելույթ է ունենում մի քանի քաղաքներում: Իսկ հունիսի 11-ին նրանք արդեն կլինեն Երևանում և վրացական ազգային երաժշտությունը կհնչեցնեն Արամ Խաչատրյան համերգասրահի բեմից:
Համերգի կազմակերպիչներն են ՝ Azd production-ը և Prime Production-ը:
