Մադրիդի «Ռեալի» աջ պաշտպան Տրենտ Ալեքսանդր-Առնոլդը կարող է տեղափոխվել Անգլիա, հայտնում է Give me Sport-ը։
Անգլիացին ամռանն ազատ գործակալի կարգավիճակում «Լիվերպուլից» տեղափոխվեց Իսպանիա, սակայն վնասվածքները և այլ խնդիրներ թույլ չեն տալիս նրան հարմարվել նոր թիմին։
«Մանչեսթեր Սիթին», «Մանչեսթեր Յունայթեդը» և «Նյուքասլը» հետևում են խաղացողի շուրջ իրավիճակին։ 40 միլիոն եվրոն հնարավոր տրանսֆերային արժեքն է: Երեք ակումբներն էլ պատրաստ են վճարել այդ գումարը։
Հունիսին «Ռեալը» «Լիվերպուլին» Տրենտի համար վճարել էր 10,5 միլիոն եվրո, որպեսզի նա մեկ ամիս շուտ միանա «Արքայական ակումբին», քան «Լիվերպուլի» հետ պայմանագրի ժամկետի ավարտն է:
Ընթացիկ մրցաշրջանում անգլիացին Լա Լիգայում անցկացրել է 8 հանդիպում, իսկ Չեմպիոնների լիգայում՝ 3: Ենթածնկային ջլի վնասվածքը և ազդրի մկանների պատռվածքը պարբերաբար նրան դուրս են թողել շարքից։
«Լիվերպուլում» Ալեքսանդր-Առնոլդն աչքի էր ընկնում բարձր արդյունավետությամբ, սակայն Իսպանիայում կատարել է ընդամենը մեկ գոլային փոխանցում:
