Մադրիդի «Ռեալի» գլխավոր մարզիչ Կառլո Անչելոտին կարող է շուտով աշխատանքի անցնել Բրազիլիայի ազգային հավաքականում, գրում է TodoFichajes-ը։
65-ամյա մասնագետն արդեն քանի ամիս է՝ բանակցում է «Պենտակամպիոնների» ներկայացուցիչների հետ։
Իտալացի մասնագետի ու «Արքայական ակումբի» պայմանագիրը լրանում է 2026թ. հուլիսի 1-ին, սակայն արդեն հաջորդ ամռանն Անչելոտին կարող է հեռանալ իսպանական գրանդից։
Բրազիլիայի ֆուտբոլի կոնֆեդերացիայում դժգոհ են հավաքականի գլխավոր մարզիչ Դորիվալ Ժունիորի աշխատանքից ու ցանկանում են 2025թ. ամռանն այդ պաշտոնին նշանակել Անչելոտիին։
62-ամյա Ժունիորը Բրազիլիայի հավաքականը գլխավորում է 2024թ. հունվարից։
