Ղազախ բռնցքամարտիկ Այդոս Էրբոսինուլին ծանր վիճակում է հայտնվել WBA վարկածով երկրորդ միջին քաշային կարգի չեմպիոնական մենամարտում պարտությունից հետո։

12-րդ ռաունդում կուբացի Դավիդ Մորելը նոկաուտի է ենթարկել Էրբոսինուլիին։ Մենամարտի ավարտից հետո ղազախ բռնցքամարտիկը տեղափոխվել է հիվանդանոց, և արհեստական կոմայի մեջ է ուղեղի արյունազեղության հետևանքով։

Այդոս Էրբոսինուլին առաջին պարտությունն է կրել պրոֆեսիոնալ ռինգում՝ ընդհատելով 16 անընդմեջ հաղթանակների շարքը։