Բրազիլիայի հավաքականի նախկին գլխավոր մարզիչ Տիտեն ավարտել է կարիերան, սոցցանցերում հայտնել է մասնագետի որդին:
«Լինում են պահեր, երբ անհրաժեշտ է գիտակցել ու ընդունել, որ խոցելի ես, ու հարկավոր է որոշում կայացնել:
Առողջական վիճակիս պատճառով ստիպված եմ ավարտել կարիերաս: Բանակցում էի «Կորինտիանսի» հետ, բայց ստիպված ենք դադարեցնել բանակցությունները: Ծանր որոշում է»,- հայտարարել է 63-ամյա մասնագետը:
Տիտեն նախորդ տարի հեռացել էր «Ֆլամենգոյի» գլխավոր մարզչի պաշտոնից և ազատ գործակալ էր:
«Կորինտիանսի» հետ նա աշխատել է 3 անգամ, իսկ 2012-ին նվաճել է Լիբերտադորեսի գավաթը:
