Երևանում ավարտին մոտեցող բռնցքամարտի աշխարհի պատանեկան առաջնությունում Հայաստանի հավաքականի երկրորդ ոսկե մեդալը նվաճեց 50 կգ քաշային Տիգրան Հովսեփյանը։

Եզրափակիչում հայ բռնցքամարտիկը շանս չտվեց բուլղարացի Անգել Յանկով Դիմիտրովին և հաղթեց 5-0 հաշվով։

Առնո Դարչինյանը (46 կգ) եզրափակիչում պարտվեց ռուսաստանցի Իսլամ Մագոմեդովին ու դարձավ արծաթե մեդալակիր։

Վերջին մրցումային օրը հայ բռնցքամարտիկներից եզրափակիչում կմենամարտեն նաև Հեղինե Պետրոսյանը (48 կգ), Անդրանիկ Մարտիրոսյանը (60 կգ), Արգիշտի Հակոբյանը (66 կգ) և Ալբերտ Հարությունյանը (75 կգ)։

Ավելի վաղ Հայաստանի ներկայացուցիչներից Վաղարշակ Քեյանը (48 կգ) դարձել էր աշխարհի պատանեկան չեմպիոն, իսկ Արեն Խառատյանն (52 կգ) ու Սամվել Սիրամարգյանն (70 կգ) արժանացել էին արծաթե մեդալի։