«Սլովանի» ֆուտբոլիստ Տիգրան Բարսեղյանը հաղթական գոլ է խփել «Սկալիցայի» դեմ Սլովակիայի առաջնության 14-րդ տուրի խաղում:

«Սլովանը» հաղթել է 1-0 հաշվով: Բարսեղյանը, որը խաղին մասնակցել է մեկնարկից, դարպասի գրավմամբ աչքի է ընկել 84-րդ րոպեին: Մինչև այդ՝ 62-րդ րոպեին, Տիգրանը զգուշացվել է դեղին քարտով: Հայաստանի հավաքականի խաղացողը, որն առաջիկա խաղերին մասնակցելու հրավեր չի ստացել Ալեքսանդր Պետրակովից, փոխարինվել է ավելացված ժամանակում:

57-րդ րոպեից «Սլովանը» խաղում էր 10 ֆուտբոլիստով:

Սլովակիայի առաջնության ընթացիկ մրցաշրջանում Տիգրան Բարսեղյանը մասնակցել է բոլոր 14 խաղերին, խփել է 6 գոլ, կատարել 4 գոլային փոխանցում:

Լուսանկարները՝ «Սլովանի» մամուլի ծառայություն