Մադրիդի «Ռեալի» բելգիացի դարպասապահ Տիբո Կուրտուան ​​կարող է բաց թողնել կատալոնական «Բարսելոնայի» դեմ Իսպանիայի առաջնության 9-րդ տուրի հանդիպումը։

Marca-ի տեղեկություններով, մադրիդցիների հիմնական դարպասապահը հոկտեմբերի 13-ին չի մարզվել թիմի հետ, քանի որ դեռ ցավեր ունի:

Ավելի վաղ հաղորդվում էր, որ Կուրտուան առաջիկա «Էլ-Կլասիկոյում» կպաշտպանի «Ռեալի» դարպասը, սակայն այժմ բելգիացու մասնակցությունը խաղին մեծ հարցականի տակ է։

Ամենայն հավանականությամբ, բոլոր մրցաշարերում 5-րդ խաղում անընդմեջ «Արքայական ակումբի» դարպասը կպաշտպանի ուկրաինացի Անդրեյ Լունինը:

Հիշեցնենք, որ «Ռեալ» - «Բարսելոնա» հանդիպումը կկայանա հոկտեմբերի 16-ին, մեկնարկը՝ Երևանի ժամանակով 18:15-ին: