Աշխարհի երրորդ ռակետ Կառլոս Ալկարասը պատմել է, թե թոփ մակարդակի թենիսիստներից ով է առաջինը տպավորվել իր տաղանդով, հաղորդում է MoluscoTV-ն:
«Առաջինը Դավիդ Ֆերերն էր: Երբ 15 տարեկան էի, հնարավորություն ստացա մարզվել նրա հետ: Նա ինձ համար ընդօրինակման կերպար էր ոչ միայն թենիսի աշխարհում, այլև ընդհանրապես սպորտում:
Այդ օրը քիչ էր մնում հաղթեի նրան: Մինչև օրս նա հիշեցնում է այդ խաղի մասին: Դա այն օրերից էր, երբ մտածեցի, որ հնարավոր է՝ ուժեղ թենիսիստ եմ»,- ասել է իսպանացին:
Դավիդ Ֆերերը 2013 թվականի «Ռոլան Գարոսի» ու 2007-ի Ամփոփիչ մրցաշարի փոխչեմպիոնն է: Իսպանիայի հավաքականի հետ նա 3 անգամ դարձել է Դևիսի գավաթակիր: Այժմ Ֆերերն Իսպանիայի հավաքականի ավագն է:
