Լոնդոնի «Արսենալի» գանացի կիսապաշտպան Թոմաս Փարթին մոտ է Սաուդյան Արաբիան ներկայացնող ակումբ տեղափոխվելուն, հաղորդում է Sunday Express-ը:
30-ամյա ֆուտբոլիստը համաձայնեցրել է անձնական պայմանագրի կետերն «Ալ Իթիհադի» հետ: Փարթին հեռանում է լոնդոնյան ակումբից, քանի որ անգլիացի կիսապաշտպան Դեկլան Ռայսի տրանսֆերից հետո նրա տեղը հիմնական կազմում երաշխավորված չէ:
Հիշեցնենք, որ Փարթին Մադրիդի «Աթլետիկոյից» էր 2020 թվականի հոկտեմբերին 40 միլիոն եվրո տրանսֆերային արժեքով միացել «Արսենալին»:
2022/23 մրցաշրջանում Փարթին անգլիական ակումբի կազմում մասնակցել է 40 հանդիպման, դարձել 3 գոլի հեղինակ: Transfermarkt-ը 35 միլիոն եվրո է գնահատում նրա տրանսֆերային արժեքը:
