Նիդերլանդների ազգային հավաքականի նախկին դարպասապահ Թիմ Կրուլը սոցցանցերում հրապարակում է արել` հայտնելով կարիերան ավարտելու մասին։
37-ամյա ֆուտբոլիստն այս տարվա հուլիսի 1-ից ազատ գործակալի կարգավիճակում էր։ Նրա վերջին ակումբն անգլիական «Լութոն Թաունն» էր, որտեղ հանդես էր գալիս 2023թ. օգոստոսից։
Կրուլն առավել հայտնի է «Նյուքասլում» ունեցած մրցելույթով. թիմի կազմում 185 խաղից 53-ում նա դարպասը պահել է անառիկ։ Կրուլը 2011-2022թթ. հրավիրվել է Նիդերլանդների հավաքական, 2014թ. դարձել է աշխարհի առաջնության բրոնզե մեդալակիր։
