Մոսկովայի Լոկոմոտիվի պաշտպան Նաիր Թիկնիզյանը խոսել է Հայաստանի ու Ռուսաստանի հավաքականների միջև հավանական ընկերական հանդիպման մասին։

«Անկեղծ` կողմ եմ, որ Հայաստանի ու Ռուսաստանի հավաքականներն ընկերական հանդիպում անցկացնեն։ Առաջին հերթին, կցանկանայի տեսնել, թե ինչ մակարդակի վրա են հավաքականները։ Դա հետաքրքիր կլիներ մրցակցության տեսանկյունից»,- Հայաստանի հավաքականի ֆուտբոլիստի խոսքը մեջբերում է Metaratings-ը։

Հիշեցնենք, որ Ռուսաստանի հավաքականը 2022 թ. մարտից հեռացված է ՖԻՖԱ-ի և ՈՒԵՖԱ-ի հովանու նորքո անցկացվող մրցաշարերից ու միայն ընկերական հանդիպումների է մասնակցում։

Թիկնիզյանը 2023 թ. մարտից հանդես է գալիս Հայաստանի հավաքականում, 18 խաղում խփել 1 գոլ, կատարել 4 արդյունավետ փոխանցում։