Մադրիդի «Ռեալի» կիսապաշտպան Էդուարդո Կամավինգան կոճի վնասվածք է ստացել, հաղորդում է The Athletic-ը։

22-ամյա ֆուտբոլիստը բաց է թողել թիմի վերջին մի քանի մարզումը, իսկ նրա մասնակցությունն ավստրիական «Տիրոլի» դեմ օգոստոսի 12-ին կայանալիք ընկերական խաղին մեծ հարցականի տակ է։

Ֆրանսիացի կիսապաշտպանի վնասվածքի լրջությունը դեռ պարզ չէ։ Այդ տեսակի վնասվածքից ֆուտբոլիստները սովորաբար ապաքինվում են մի քանի շաբաթում։