Պրոֆեսիոնալ բռնցքամարտի գերծանր քաշային կարգում աշխարհի նախկին բացարձակ չեմպիոն Մայք Թայսոնը հայտարարել է, որ իր և 5 քաշային կարգերում նախկին չեմպիոն Ֆլոյդ Մեյվեզերի ցուցադրական մենամարտը տեղի կունենա գարնանը, հաղորդում է Source of Boxing-ը:
«Մենամարտը տեղի է ունենալու մարտին Աֆրիկայում։ Դա անհավանական է լինելու. մենք գերազանցելու ենք բոլոր ռեկորդները։ Դա լինելու է սպորտի պատմության մեջ ամենախոշոր իրադարձություններից մեկը»,- ասել է լեգենդար Թայսոնը:
Հիշեցնենք, որ այս մենամարտի մասին պաշտոնապես հայտարարվել էր սեպտեմբերին, բայց ժամկետը հայտնի չէր:
