«Բարսելոնայի» գերմանացի դարպասապահ Մարկ-Անդրե տեր Շտեգենը 150-րդ «չոր» հանդիպումն է անցկացրել կատալոնական ակումբում, հայտնում է Besoccer-ը:
Այս ցուցանիշով գերմանացին երրորդն է «Բարսելոնայի» պատմության մեջ: Ռեկորդակիրն իսպանացի Վիկտոր Վալդեսն է (237 խաղ), որին հաջորդում է նրա հայրենակից Անդոնի Սուբիսարետան (172 խաղ):
Ընդհանուր առմամբ՝ ընթացիկ մրցաշրջանում Տեր Շտեգենը 21 խաղում է անառիկ է պահել դարպասը, որից 19-ը՝ Լա լիգայում:
Հիշեցնենք, որ Լա լիգայի 25-րդ տուրում «Բարսելոնան» արտագնա խաղում 1-0 հաշվով հաղթել էր Բիլբաոյի «Աթլետիկին»: Կատալոնական գրանդը 65 միավորով Լա լիգայի առաջատարն է և 9 միավորով է գերազանցում երկրորդ տեղում գտնվող գործող չեմպիոն Մադրիդի «Ռեալին»:
