«Բարսելոնայի» դարպասապահ Մարկ-Անդրե տեր Շտեգենը պատմել է իր նախկին թիմակից Լիոնել Մեսիի մասին, որի հետ խաղացել է 7 տարի:
«Մեսին անկրկնելի ֆուտբոլիստ է, նրան շատ եմ հարգում: Բայց նա միակն էր, որ մարզման ժամանակ կարող էր գնդակով հարվածել ցանկացածի դեմքին: Մյուսները նման բան իրենց թույլ չէին տալիս, բայց նա միտումնավոր անում էր դա:
Երբեմն անձնական խնդիրներ էինք ունենում, որոշ դեպքերում նա էր մեղավորը, որոշ դեպքերում՝ ես: Բայց այդ ամենը նորմալ եմ համարում. դա մեր աշխատանքի մի մասն էր:
Ամեն դեպքում, Լեոն առաջատար էր: Նա միշտ աշխատում էր, քիչ էր խոսում, սակայն երբ խոսում էր, նրան բոլորն էին լսում», - գերմանացու խոսքն է մեջբերում AS-ը:
