«Մանչեսթեր Յունայթեդի» գլխավոր մարզիչ Էրիկ տեն Հագը պատասխանել է այն հարցին, թե արդյոք մտածում է Անգլիայի Պրեմիեր լիգայում հաղթելու մասին:
«Ես հիմա այդ մասին չեմ մտածում: Այս փուլում չպետք է կենտրոնանանք չեմպիոնության վրա։ Մեզ դեռ երկար մրցաշրջան է սպասվում, շատ հանդիպումներ ունենք անցկացնելու։
Եթե դուք շատ առաջ եք նայում, դուք շատ շեղվում եք, և դա կարող է վնասակար լինել: Պետք է կենտրոնանաք ձեր խաղի և թիմի զարգացման վրա»,- հոլանդացի մասնագետի խոսքը մեջբերում էSky Sports-ը:
Հիշեցնենք, որ «Մանչեսթեր Յունայթեդը» 17 խաղից հետո 35 միավորով 3-4-րդ տեղերն է բաժանում մեկ հանդիպում ավելի անցկացրած «Նյուքասլի» հետ: Անգլիայի ընթացիկ առաջնության առաջատարը Լոնդոնի «Արսենալն» է, որը 17 խաղից հետո ունի 44 միավոր:
