Իսպանական Լա լիգայի նախագահ Խավիեր Տեբասը հայտնել է, որ մոտ ապագայում նախատեսվում է առաջնության հանդիպումներ անցկացնել այլ երկրներում, մասնավորապես՝ ԱՄՆ-ում։
«Չեմ կարող հստակ ասել, թե երբ դա տեղի կունենա։ Կարծում եմ` դա հնարավոր կլինի 2025/26 մրցաշրջանում։ ԱՄՆ-ում պաշտոնական հանդիպում անցկացնելն էականորեն կամրապնդի մեր դիրքերը հյուսիսամերիկյան շուկայում, որը միշտ առաջնահերթություն է եղել Իսպանիայի համար։ Արտերկրում հանդիպումներ անցկացնելը մեր մարտավարության մի մասն է, ուստի այլ մարտունակ առաջնություններ նույնպես կարող են հետևել մեր օրինակին»,- իսպանացի ֆունկցիոների խոսքը մեջբերում է Marca-ն։
Հիշեցնենք, որ 2019 թվականից Իսպանիայի Սուպերգավաթի հանդիպումներն անցկացվում են Սաուդյան Արաբիայում։ Մրցաշարին կատալոնական «Բարսելոնայի» ու Մադրիդի «Ռեալի» մասնակցության դեպքում Իսպանիայի ֆուտբոլի ֆեդերացիան ունենում է նվազագույնը 40 միլիոն եվրո եկամուտ։
