Լա լիգայի նախագահ Խավիեր Տեբասը համեմատել է իսպանական ակումբների ծախսերն Անգլիայի Պրեմիեր լիգայի ակումբների գործարքների հետ:
«Մշտական աստղաբաշխական ծախսերը ինֆլյացիա են առաջացնում և վատ են անդրադառնում Եվրոպայի ֆուտբոլային ակումբների տնտեսության վրա: «Բարսելոնան» չի կարող ծախսել այնքան, որքան ԱՊԼ-ի ակումբները: «Ռեալը» կարող է, բայց չի անի դա»,- Տեբասի խոսքը մեջբերում է Marca-ն:
Հիշեցնենք, որ ձմեռային տրանսֆերային պատուհանի ժամանակ Պրեմիեր լիգայի ակումբները ռեկորդ սահմանեցին ծախսերի թվով, իսկ ձմռան ամենաթանկ տեղափոխությունն արգենտինացի կիսապաշտպան Էնցո Ֆերնանդեսի տրանսֆերն էր պորտուգալական «Բենֆիկայից» Լոնդոնի «Չելսի» (121 միլիոն եվրո):
