«Ինտեր Մայամին» MLS-ի կանոնավոր առաջնության 11-րդ տուրում ընդունել է «Նյու Յորք Ռեդ Բուլզին» և հաղթել 6-2 հաշվով:

Հեթ-տրիկի հեղինակ է դարձել ուրուգվայցի հարձակվող Լուիս Սուարեսը, մեկ գոլի և 5 գոլային փոխանցման հեղինակ է դարձել «Ոսկե գնդակի» 8-ակի դափնեկիր, արգենտինացի հարձակվող Լիոնել Մեսին:

Աշխարհի չեմպիոնը կարիերայում առաջին անգամ է մեկ խաղում 5 ասիստ կատարում: Մեսին նաև պատմության առաջին ֆուտբոլիստն է, որը MLS-ի մեկ խաղում 5 գոլային փոխանցման հեղինակ է դառնում, նաև «գոլ+ասիստ» ցուցանիշով 6 միավոր վաստակում:

Խերարդո Մարտինոյի գլխավորած թիմը 24 միավորով կանոնավոր առաջնության առաջատարն է, «Նյու Յորք Ռեդ Բուլզը» 17 միավորով 8-րդն է:

MLS-ի կանոնավոր առաջնություն, 11-րդ տուր

«Ինտեր Մայամի» - «Նյու Յորք Ռեդ Բուլզ»՝ 6-2

Մատիաս Ռոխաս, 48, 62, Լիոնել Մեսի, 50, Լուիս Սուարես, 68, 75, 81 - Դանտե Վանզեիր, 30, Էմիլ Ֆորսբերգ, 90+7 (11մ)