«Ինտեր Մայամիի» հարձակվող Լուիս Սուարեսը որոշ մանրամասներ է ներկայացրել իր՝ «Լիվերպուլ» տեղափոխության վերաբերյալ:
«Երբ պիտի հեռանայի «Այաքսից», 2 առաջարկ ունեի: Մեկը՝ «Լիվերպուլից», մյուսը՝ «Տոտենհեմից»: Նույնիսկ 1 վայրկյան չեմ վարանել ու կատարել եմ ընտրությունս: Ես Ջերարդի ու Տորեսի մեծ երկրպագուն էի, ինձ համար Տորեսի կողքին խաղալն իսկական երազանք էր, ու շատ ափսոս, որ այն չիրականացավ: Երբ Փլեյսթեյշն էի խաղում, Տորեսը միշտ իմ թիմում էր», - ուրուգվայցու խոսքն է մեջբերում Tribuna-ն:
